Azərbaycan, Bakı, 31 avqust / Trend , müxbir Ü.İsmayılova /
Dünya maliyyə böhranı Azərbaycanda sosial layihələrin həyata keçirilməsinə təsir etməyib. Bu barədə Yeni Azərbaycan Partiyasının rəsmi saytına müsahibəsində parlamentin Sosial siyasət daimi komissiyasının sədri Hadı Rəcəbli bildirib.
"İl ərzində Azərbaycanda sosial xərclərin azalması müşahidə olunmayıb", - Rəcəbli deyib.
Onun sözlərinə görə, 2008-ci il sosialyönümlü, investsiyatutumli il idisə, yüksək inkişaf səviyyəsi ilə 2009-cu ili sosialyönümlü və böhranadavamlı adlandırmaq olar.
2009-cu ilin yanvar-iyulunda sosial təminata və əhalinin müdafiəsinə büdcə vəsaitindən 617,9 milyon manat xərclənib. Bu da ötən ilin müvafiq dövründəki xərcləri 33 faiz üstələyir. Bu dövr ərzində təhsilə 688,3 milyon manat (31 faiz çox), səhiyyəyə 194,7 milyon manat (28,2 faiz) xərclənib.
Bununla yanaşı, 31,5 faiz (1662,6 milyon manat) dövlət xərcləri əhalinin əməkhaqqılarının, pensiya və müavinətlərinin ödənilməsinə sərf edilib.
Avqustun 31-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]
