Azərbaycan, Bakı, 13 oktyabr / Trend /
Azərbaycanın ASPECT Research tədqiqat şirkətinin proqnozlarına müvafiq olaraq, ilin sonuna Azərbaycanda ÜDM-in 33,8 milyard manatadək artacağı gözlənilir, şirkətin "Makromaliyyə: qısa müddətli pronozlar" bülleteninə istinadən verdiyi məlumatda deyilir.
Dövlət Statistika Komitəsinin məlumatına görə, yanvar-avqust aylarında ölkənin ÜDM-i 20,6 milyard manata çatıb. 2008-ci ilin müvafiq dövrü ilə müqayisədə isə iqtisadi artım 5 faiz təşkil edib.
ASPECT Research-in proqnozlarına müvafiq olaraq, 2009-cu ildə illik inflyasiya 2,5-2,6 faiz olacaq. Yanvar-sentyabr aylarında istehlak qiymətlərinin artım sürəti ötən ilin müvafiq dövrünə nisbətən 11,9 faizdən 2,6 faizədək azalıb.
Şirkətin hesablamalarına müvafiq olaraq, 2009-cu ilin sonunda əhalinin pul mədaxili 22,7 milyard manat təşkil edəcək, ki, bu da ötən ilki göstəricidən 2,6 milyard manat çoxdur. İnflyasiyanın proqnozlaşdırılmış sürətinin nəzərə alaraq, əhalinin pul mədaxilinin real artımının 10,2 faiz təşkil edəcəyi gözlənilir.
İlin sonunda əsas kapitalda investisiya həcminin 7,1 milyard manata çatacağı proqnozlaşdırılır.
İlin sonuna kreditlərin ümumi həcmi 7,9 milyard manata çatacaq. Keçən il olduğu kimi kredit strukturlarında milli valyuta ilə verilən kreditlər üstünlük təşkil edəcək. 2008-ci ildə kreditlərin ümumi həcmi 7,2 milyon manat təşkil edib ki, bunların 51 faizi manatla verilib.
Şirkətin proqnozlarına müvafiq olaraq, ilin sonunda vaxtı keçmiş kreditlərin ümumi həcmi 278 milyon manata çatacaq, bu da kreditlərin ümumi həcminin 3,5 faizini təşkil edəcək. Keçən il müvafiq göstərici 159,8 milyon manat və ya kreditlərin ümumi həcminin 2,2 faizini təşkil edib.
İlin sonunadək avronun rəsmi məzənnəsinin manata nisbətən 1,2 faiz bahalaşacağı gözlənilir. Milli valyutanın rus rublu və türk lirəsinə nisbətən ucuzlaşacağı da gözlənilir.
Oktyabrın 13-nə olan cari məzənnə AZN/USD təşkil edir.
