Azərbaycan, Bakı, 13 oktyabr / Trend , müxbir Ü.İsmayılova/
Etalon mərkəzi Azərbaycanda 2010-cu ilin birinci rübündə istismara veriləcək, Dövlət Komitəsinin Texniki tənzimlənmə və standartlaşdırma şöbəsinin müdiri Sabiq Abdullayev deyib.
"Dövlət Komitəsi artıq bir sıra etalonlar alıb, qalan hissə isə Avropa İttifaqının maliyyyə dəstəyi ilə əldə ediləcək", - Abdullayev belə deyib.
Onun sözlərinə görə, yeni avadanlıq Azərbaycana gələn ilin yanvar ayının əvvəllərində gətiriləcək. Avadanlıqlar 8-10 gün ərzində quraşdırılacaq. Mərkəzin əməkdaşları üçün treninqlərin keçirilməsi üçün üç həftə vaxt tələb olunur.
"Düşünürəm ki, artıq gələn ilin əvvəllərində mükəmməl etalon mərkəzinin formalaşdırılması haqda danışmaq olar", - Abdullayev deyib.
"Etalon mərkəzinin yaradılması Dövlət Komitəsinin xüsusi diqqət ayırdığ məsələlərdəndir", - bir müddət əvvəl Dovlət Komitəsinin başçısı Ramiz Həsənov belə deyib.
Həsənovun fikrincə, dəqiq ölçülər və onlar beynəlxalq standartlara uyğun olmadığı halda malların və xidmətlərin keyfiyyəti haqda danışmaq çətindir.
"Ümumilikdə etalon mərkəzinin yaradılması çətin, eyni zamanda ölkənin iqtisadi potensialını effektiv xarakterizə edən prosesdir", - Həsənov deyib.
Onun sözlərinə görə, Dövlət Komitəsi vaxtaşırı avadanlıqların və ölçü vasitələrinin keyfiyyətini yoxlamalıdır. Bununla əlaqədar olaraq, Avropa ölkələrinə müraciət etmək lazım gəlir ki, bu da ölkədən külli miqdarda pul axınına gətirib çıxarır.
Azərbaycanda etalon mərkəzi Aİ tərəfindən ayrılmış qrant hesabına yaradılır. Beynəlxalq ekspertlərin qiymətləndirməsinə müvafiq olaraq, mərkəzin yaradılması üçün 3 il tələb olunur. Onun maliyyələşməsi üçün isə 15 milyon avroya yaxın pul sərf ediləcək.
Məqalə müəllifi ilə əlaqə ünvanı: [email protected]