...

Bakının torpaq bazarı apreldə daha 1,2 faiz ucuzlaşıb

Biznes və iqtisadiyyat xəbərləri Materials 1 İyun 2010 16:34 (UTC +04:00)

Azərbaycan, Bakı, 1 iyun /Trend, müxbir Ü.İsmayılova/

Aprel ayında Bakıda 1 sot torpağın orta qiyməti 1,2% azalaraq martda qeydə alınan 14 436 dollardan 14 265 dollara enib. Bu barədə cümə günü "Əmlak Bazarı İştirakçıları" İctimai Birliyindən bildirilib.

"Ay ərzində qiymət azalması Bakının bütün rayonlarında qeydə alınıb. Bu, əsasən sahələrdə satıcıların real qiymətləri qaldırması ilə bağlıdır", - məlumatda belə deyilir.

Ən çox qiymət azalması Bakının Səbail rayonunda qeydə alınıb (1,6 faiz). Yay mövsümünün başlaması ilə əlaqədar olaraq Bakının Xəzər (keçmiş Əzizbəyov) rayonunda torpaq sahələrinin qiyməti 0,2 faiz artıb.

Aprel ayında torpaq bazarında ən fəal rayon Binəqədi, ən passiv rayon isə ötən aylarda olduğu kimi Nəsimi rayonudur.

Bazarda torpağın ekspozisiya müddəti 0,8% artaraq 255 günə çatıb.

Apreldə torpaq bazarında ən bahalı torpaq sahəsi bir sotu 250 min dollar dəyərində Nəsimi rayonunda, ən ucuz torpaq sahəsi isə 350 dollar dəyərində Abşeron rayonunda qeydə alınıb.

Cədvəl apreldə qiymət dəyişikliklərini göstərir:

Şəhərin zonaları

Apreldə 1 sotun qiyməti (dollarla)

Qiymətlərin orta dəyişməsi (%-lə)

I

171946

-0,2

II

95832

-1

III

18653

-1,4

IV

3600

-1,6

Bakının torpaq bazarında təklif olunan 800,1 hektar torpağın 77,6 faizini boş sahələr təşkil edib.

Xəbər lenti

Xəbər lenti