Gürcüstan, Tbilisi, 18 noyabr /Trend, müxbir N.Kirsxaliya/
"Gürcüstan Dəmir Yolları" MMC-nin rəhbəri İrakli Ezuqbaya öz postunda qalacaq. Bu barədə Gürcüstanın iqtisadiyyat naziri Vera Kobaliya cümə axşamı bəyan edib.
"Ezuqbaya öz postunda qalacaq və dəmiryol adi rejimdə işləməyə davam edəcək", - nazir deyib.
Dünən Gürcüstan KİV-də "Gürcüstan Dəmir Yolları"nın baş direktoru İrakli Ezuqbayanın vəzifəsindən azad edildiyi və onun yerinə "İmedi" holdinqinin rəhbəri, sabiq iqtisadiyyat naziri Georgi Arveladzenin gələcəyi barədə məlumat yayılmışdı.