Azərbaycan, Bakı, 28 yanvar /Trend, müxbir Ü.İsmayılova/
Azərbaycanda 2010-cu ildə Avro-2 standartının tətbiq edilməsilə əlaqədar idxal olunan avtomobillərin sayı azalıb. Bu barədə cümə günü Azərbaycan Dövlət Gömrük Komitəsinin sədri Aydın Əliyev bildirib.
Onun sözlərinə görə, ötən il ölkəyə 51 min avtomobil idxal olunub. Halbuki üç il bundan əvvəl bu göstərici 92 min təşkil edib.
2010-cu il iyulun 1-dən Azərbaycanda köhnə xarici avtomobillərin, daha doğrusu Avro-2 standartlarına cavab verməyən avtomobillərin ölkəyə gətirilməsinə yeni qaydalar tətbiq olunub. Bu standart neft məhsullarının keyfiyyətini və işlənmiş qazlardakı zərərli maddələrin tərkibini nizamlayır.
Azərbaycana hüquqi və fiziki şəxslər tərəfindən 1996-cı ildən sonra istehsal olunan avtomobillərin (Avro-2 standartlarının tətbiqinə başlanan zaman) gətiriləcəyi təqdirdə, onlar texniki pasportda tullantılar üzrə göstərilən məlumatlara əsasən yoxlanılacaqlar.
Əvvələr istismar olunmayan avtomobillər (yeni modellərin) gətirildikdə, onlar bircə dəfə yoxlanılacaqlar. Bundan sonra həmin məlumatlar xüsusi bazaya daxil ediləcək. Əvvəllər istismar olunmayan həmin modelli bütün avtomobillər ölkəyə Aro-2 standartına uyğunluq üzrə yoxlamadan keçməməklə gətiriləcəklər.
Bununla yanaşı, 1996-cı ilədək itehsal olunan avtomobillərin gətirilməsi, mühərrikdə texniki işlər aparıldıqdan sonra mümkündür.
