Azərbaycan, Bakı, 15 mart /Trend, müxbir Ü.İsmayılova/
Yanvar-fevral ayları ərzində Azərbaycanda istismara verilən yaşayış mənzillərinin ümumi sahəsi 149,4 min kvadratmetr təşkil edib. Bu, ötən ilin analoji dövrü ilə müqayisədə 3,9 faiz azdır. Bu barədə Dövlət Statistika Komitəsindən bildiriblər.
İstehsal obyektlərinin tikintisinə 600,6 milyon manat və ya ötən ilin analoji dövrü ilə müqayisədə 20,8 faiz çox yatırılıb, xidmət sahələri obyektlərinin tikintisinə 519,7 milyard manat və ya bir il bundan əvvəlkindən 19,1 faiz çox yönəldilib.
Bu müddət ərzində əsas kapitala investisiyaların ümumi həcmi il ərzində 1,7 faiz azalaraq 1,12 milyard manat təşkil edib. Əsas xərclərdən tikinti-montaj işlərinə xərclər 623,1 milyon manat və ya 2010-cu ilin yanvar-fevraldakından 20,9 faiz az təşkil edib.
Martın 15-nə olan rəsmi məzənnə 0,7933 AZN/USD təşkil edir.