...

Azərbaycanın "Azal Sığorta" şirkətinin aktivləri 2010-cu ildə təqribən üç dəfə artıb

Biznes və iqtisadiyyat xəbərləri Materials 1 Aprel 2011 15:40 (UTC +04:00)

Azərbaycan, Bakı, 1 aprel /Trend, müxbir A.Axundov/

2010-cu ildə fəaliyyətinin yekunları üzrə Azərbaycanın sığorta şirkəti "Azal Sığorta"nın aktivləri ilin əvvəlindəki 6,538 milyon manata nisbətdə 19,462 milyon manat təşkil edib. Trend-in məlumatına görə, bu barədə cümə günü şirkətin rəsmi mətbuatda dərc olunmuş balans hesabatında deyilir.

İl ərzində şirkətin uzunmüddətli aktivləri 41,08 faiz azalaraq 0,254 milyon manat, qısamüddətli aktivləri isə 3,145 faizlik illik artımla 19,205 milyon manat təşkil edib.

Ötən il şirkətin depozit hesabları 5,91 milyon manat, hesablaşma hesabları isə 0,472 milyon manat olub.

2010-cu ildə "Azal Sığorta" ASC-nin ödənilmiş nizamnamə kapitalı 8,138 milyon manat olduğu halda, 2009-cu ildə bu rəqəm bir milyon manat olub. Ötən ilin yekunları üzrə şirkətin xalis mənfəəti 0,677 milyon manat olub.

Ötən il şirkətin məcmu kapitalı 2009-cu illə müqayisədə 3,093 dəfə artaraq 9,946 milyon manat olub.

Şirkətin məcmu öhdəlikləri 2,864 dəfə artaraq 9,516 milyon manat, ümumilikdə kapital və öhdəlikləri 2,977 dəfə artaraq 19,462 milyon manat təşkil edib.

Ötən ilin yekunları üzrə şirkətin gəlirləri 18,49 milyon manat, o cümlədən sığorta ödənişləri - 12,894 milyon manat, təkrar sığorta - 0,156 milyon manat olub. İnvestisiya yatırımlarından gəlirlər 0,309 milyon manat təşkil edib.

2010-cu il ərzində şirkətin xərcləri 16,38 milyon manat, o cümlədən sığorta ödənişləri 4,528 milyon manat, təkrar sığorta ödənişləri 10,993 milyon manat olub.

2010-cu ildə şirkət 19,169 min manat gəlir vergisi, 1157 min manat ƏDV, mənbədən vergi 205,582 min manat, mənfəət vergisi 13,826, 385 manat əmlak vergisi, 48 manat yol vergisi ödəyib.

"Standard Insurance" şirkəti sığorta bazarında 2002-ci ildən etibarən fəaliyyət göstərir. Şirkət 28 növdə sığorta xidmətləri göstərir.

2010-cu ildə şirkətin sosial sığorta və təminat ayırmaları 37,242 min manat, digər öhdəliklər üzrə ödənişləri (0,3 faiz) - 35,19 min manat, iqtisadi sanksiyalar üzrə ödənişləri - 7,498 min manat olub.

Hava nəqliyyatının sığortası üzrə ixtisaslaşan "Azal Sığorta" sığorta şirkəti 1995-ci ildə yaradılıb.

Aprelin 1-nə olan rəsmi məzənnə 0,7926 AZN/USD təşkil edir.

Xəbər lenti

Xəbər lenti