Azərbaycanın valyuta bazarının həftəlik icmalı

2011-ci il yanvarın 1-dən Mərkəzi Bankın dollar/manat məzənnəsinin ikitərəfli hədəfləmə siyasətinə keçidindən sonra milli valyutanın məzənnəsi sabitləşib. Makroiqtisadi analizlər göstərir ki, cari şəraitdə dollar/manat məzənnəsinin ikitərəfli hədəfləməsi Mərkəzi Bankın məqsədləri, xüsusilə də inflyasiyanın səviyyəsinə təsir göstərmək məqsədilə nisbətən daha çox razılaşdırılıb. Kommunikasiyalar nöqteyi-nəzərindən, bu mexanizm nəinki sərfəlidir, həm də uzunmüddətli perspektivdə AMB-yə sərbəst üzən məzənnə rejiminə keçməyə imkan verəcək.

Ötən həftənin yekununa əsasən, Bakı Banklararası Valyuta Birjasının alış-verişi nəticəsində müəyyən olunmuş manatın ABŞ dollarına nisbəti 0,0007 bənd (0,07 faiz) möhkəmlənib. Ötən həftə orta məzənnə bir ABŞ dolları üçün 0,79158 manat səviyyəsində müəyyən olunub.

Həftə ərzində BEST-də həmin gün valyutalaşdırma ilə sövdələşmələr həyata keçirilib (T+0): martın 28-də sövdələşmələr bağlanmayıb, buna görə məzənnə əvvəlki 0,7920 AZN/USD səviyyəsində qalıb, martın 29-da 0,7920 AZN/USD məzənnə ilə $2,58 mln., martın 30-da 0,7913 AZN/USD məzənnə ilə $11,17 mln., martın 31-də 0,7913 AZN/USD məzənnə ilə $2,24 mln., və aprelin 1-də 0,7913 AZN/USD məzənnə ilə $1,1 mln.

USD/AZN T+1 və T+2 alətləri üzrə tələbat olmadığından, dilerlər tərəfindən sövdələşmələr həyata keçirilməyib. RUB/AZN və EUR/AZN alətləri üzrə BEST-ə banklar tərəfindən sifarişlər təqdim olunmayıb.