Azərbaycan, Bakı, 21 may /Trend, müxbir A.Axundov/
2011-ci ilin yanvar-aprelində Azərbaycan 118,996 milyon manat məbləğində taxıl ixrac edib. Bu, ümumi idxalın 4,38 faizini təşkil edir və ötən ilin analoji dövr göstəricisini 63,82 faiz ötür. Bu barədə şənbə günü Trend-ə Dövlət Gömrük Komitəsindən məlumat verilib.
Yanvar-apreldə unun idxalı 74,22 dəfə artaraq 23,069 milyon dollara çatıb. Bu, həmin müddət ərzində ölkəyə idxalın ümumi həcminin 0,85 faizini təşkil edir.
Ümumilikdə 384,6 milyon dollar məbləğində qida məhsulları ixrac edilib (35,45 faiz artım). Bu, ölkənin ümumi idxalının 14,16 faizini təşkil edib.
İlk dörd ay ərzində yeyinti məhsullarından 49,18 milyon dollar məbləğində şəkər (4,27 faiz artım, idxalda payı 1,81 faiz), 47,826 milyon dollarlıq yağ (6,98 faiz artım, ümumi idxalda payı 0,25 faiz), 2,901 milyon dollarlıq süd (26,09 faiz artım, ümumi idxalda payı 0,11 faiz) idxal edilib.
Azərbaycanın idxalının çox hissəsi və ya 29,65 faizi hesabat dövrü ərzində maşın, mexanizm, avadanlıq, elektrik aparatları və onların ehtiyat hissələrinin payına düşüb. Yanvar-apreldə 805,54 milyon dollar məbləğində maşın və avadanlıq idxal edilib. Bu, ötən ilin analoji dövr göstəricisini 67 faiz üstələyir.
Ölkəyə 494,883 milyon dollar məbləğində nəqliyyat vasitələri (2,42 dəfə artım, ümumi idxalda payı 18,21 faiz), 341,762 milyon dollarlıq qara metallar və onlardan hazırlanan məmulatlar (91,84 faiz artım, ümumi idxalda payı 12,58 faiz), 78,785 milyon dollarlıq oduncaq və ondan hazırlanan məmulatlar (66,87 faiz artım, ümumi idxalda payı 2,9 faiz), 16,195 milyon dollarlıq xalq istehlakı malları (18,66 faiz artım, ümumi idxalda payı 0,6 faiz), 16,331 milyon dollarlıq mebel və onun hissələri (23,6 faiz artım, ümumi idxalda payı 0,6 faiz), 45,936 milyon dollarlıq əczaçılıq məhsulları (15,56 faiz artım, ümumi idxalda payı 1,69 faiz) da gətirilib.
Yanvar-aprel ayları ərzində idxal 2,717 milyard dollar təşkil edib. Bu, 2010-cu ilin analoji dövrü ilə müqayisədə 54,12 faiz çoxdur. İxrac əməliyyatları 8,004 milyard dollar təşkil edib. Bu, 2010-cu ilin analoji dövrü ilə müqayisədə 30,59 faiz çoxdur.
Ölkənin ümumi mal dövriyyəsi 10,721 milyard dollar təşkil edib ki, bu da ötən ilin analoji dövr göstəricisini 35,84 faiz üstələyir.
Xarici ticarət əməliyyatlarında 5,287 milyad dollar məbləğində müsbət saldo yaranıb.
