Azərbaycan, Bakı, 7 iyun /Trend, müxbir N.İsmayılova/
Azərbaycan Banklar Assosiasiyası (ABA) yanında Azərbaycan Bank Təlim Mərkəzi ABŞ-ın Beynəlxalq İnkişaf Agentliyinin (USAID) dəstəyi ilə Bakıda "Böhran dövründən sonra bank işində yeni tendensiyalar" mövzusunda konfrans keçirəcək. Bu barədə çərşənbə axşamı Trend-e ABA-dan deyiblər.
Konfrans iyunun 22-də keçiriləcək. Konfransın əsas məqsədi böhran dövründən sonra qabaqcıl xarici təcrübələr nəzərə alınmaqla, bank işinin səmərəli təşkili yollarının müzakirəsidir.
Konfrans bankların rəhbər strukurları - müşahidə şurası, idarə heyəti və auditor komitəsi üçün nəzərdə tutulub.
Bundan başqa, Azərbaycan Bank Təlim Mərkəzi və USAID tərəfindən "Böhran dövründən sonra banklarda risk-menecmenti" mövzusunda daha bir konfransın keçirilməsinə də hazırlıq gedir.