Azərbaycan, Bakı, 22 avqust /Trend, müxbir E.İsmayılov/
Yaxın günlərdə Heydər Əliyev prospektində yerləşən "Şəfa" stadionu yaxınlığında yeraltı keçidin tikintisinə başlanacaq. Bu barədə bazar ertəsi Trend-ə Azərbaycan Nəqliyyat Nazirliyi "Azəryolservis" QSC-dən məlumat verilib.
"Bakıda piyada keçidlərinin tikintisi davam etdirilir. Habelə bu günlərdə "Şəfa" stadionu yaxınlığında yeni yeraltı keçidin tikintisinə başlanacaq", -"Azəryolservis"dən deyiblər.
Həmçinin, QSC-dən bildirildiyi kimi, hazırda "Sahil" metrostansiyası yaxınlığında və "Azneft" meydanında yeraltı keçidlərin tikintisi davam edir.
"Bu layihələr çərçivəsinbdə işlər il ərzində, daha doğrusu, oktyabr-noyabr aylarında başa çatacaq", - QSC-dən deyiblər.
