Azərbaycan, Bakı, 16 noyabr /Trend, müxbir V.Javoronkova/
Dekabrın üçüncü ongünlüyündə iqtisadi inkişaf naziri Şahin Mustafayevin başçılığı ilə Azərbaycan nümayəndə heyəti ticari-iqtisadi əməkdaşlıq üzrə hökumətlərarası komissiyanın iclasında iştirak etmək üçün Tacikistana səfər edəcək. Bu barədə çərşənbə günü Trend-ə Tacikistanın Azərbaycandakı səfiri Zokir Vəzirov deyib.
"İclas zamanı Azərbaycan-Tacikistan iqtisadi əməkdaşlığının əsas istiqamətləri müzakirə olunacaq. Bu istiqamətlər arasında Azərbaycandan neft məhsullarının və giltorpaqların alınması, Tacikistandan alüminium və pambığın tədarükü də var" , - diplomat bildirib.
Onun sözlərinə görə, səfər çərçivəsində biznes forumun keçirilməsi gözlənilir.
"Bu tədbir Azərbaycanın Tacikistan ilə iqtisadi münasibətlərinin inkişafına təkan verəcək", - səfir deyib.
Vəzirovun sözlərinə görə, 2012-ci ilin əvvəlində iki ölkənin nümayəndələrinin iştirakı ilə bir sıra mədəni tədbirlərin keçirilməsi gözlənilir, hazırda bu məsələlər işlənilir.
