Azərbaycan, Bakı, 24 mart /Trend, müxbir Ə.Həsənov/
Azərbaycanda fevral ayında bitkiçilik və heyvandarlıqda qiymət indeksi əvvəlki ayla müqayisədə 0,9 faiz azalıb. Trend-in məlumatına görə, bu barədə şənbə günü Dövlət Statistika Komitəsinin yaydığı məlumatda deyilir.
Məlumata əsasən, arpa, çovdar və yulaf üzrə istehsalçı qiymətləri 2,8 faiz, qarğıdalı üzrə 0,2 faiz, taxıl üzrə 0,6 faiz, qoz və fındıq üzrə 0,5 faiz, qoyun üzrə (diri çəkidə) 2 faiz bahalaşıb.
Tərəvəz və bostan üzrə istehsalçı qiymətləri 1,8 faiz, kartof üzrə 4,3 faiz, sitrus meyvələri üzrə 9,2 faiz, mal əti (diri çəkidə) üzrə 5,9 faiz, süd üzrə 0,1 faiz, donuz əti (diri çəkidə) 1,6 faiz, quş əti (diri çəkidə) üzrə 5,5 faiz, yumurta üzrə 18 faiz, bal üzrə 0,8 faiz azalıb.
Fevralda balıqçılıq sənayesində qiymət indeksi əvvəlki ayla müqayisədə 118,9 faiz təşkil edib.
