Azərbaycan, Bakı, 20 noyabr / Trend , müxbir A.Axundov /
Beynəlxalq Valyuta Fondu (BVF) Azərbaycana ÜDM-də qeyri-neft büdcə kəsirinin 40 faiz səviyyəni keçməsinə icazə verməməyi məsləhət görür. Bu barədə BVF-nin Azərbaycan üzrə missiyasının rəhbəri, Fondun Yaxın Şərq və Mərkəzi Asiya üzrə direktorunun müşaviri Raca Almarzoqi çərşənbə axşamı Bakıda keçirilən mətbuat konfransında deyib.
"BVF-ni Azərbaycanda qeyri-neft büdcə kəsirinin yuxarı səviyyəsi narahat edir. 2012-ci ildə dövlət büdcəsinin əsaslı vəsaitlərdə prioritetliyin müəyyən edilməsi yolu ilə icrasının gözlənən nəticələri ilə bağlı 2013-cü ildə qeyri-neft kəsirinin azalması makroiqtisadi sabitlik üçün risklərin saxlamasına imkan yaradacaq və dünya iqtisadiyyatının vəziyyətinin potensial pisləşəcəyi halda tədbirlərin görülməsi bufer ehtiyatları möhkəmləndirəcək", - Almarzoqi bildirib.
Onun sözlərinə görə, xərclərin neftin cari qiymətlərindən "ayrılması" yolu ilə vergi-büdcə siyasətinin əsaslarına yenidən baxılması və vergi-büdcə siyasətinin proqnozlaşdırılmasının və ona etibarın gücləndirilməsi şəxsi investisiyaların stimullaşdırılmasında əsas rolu oynayacaq.
"Xərclərin neftin qiymətlərindən "ayrılması" ona görə əhəmiyyətlidir ki, dövlət xərcləri birbaşa neftin qiymətlərindəki dəyişiklikliyə reaksiya verməsin. Onlar mütləq neftin qiymətlərinin artdığı dərəcədə artmamalıdır. Biz hökumətlə büdcədə neftin qiymətlərinin proqnozlaşdırılmasının hansı modelini seçməyin daha yaxşı olduğunu müzakirə edirik", - Almarzuqi deyib.
2013-cü il üçün Azərbaycanın dövlət büdcəsində neftin qiymətləri bir barel üçün 100 dollar məbləğində müəyyən edilib.
Missiya rəhbərinin sözlərinə görə, BVF gəlirlərin idarə edilməsi və pensiya təminatı üzrə islahatların keçirilməsində texniki kömək göstərməyə hazırdır.
