Azərbaycan, Bakı, 19 yanvar /Trend, müxbir İ.Xəlilova/
Azərbaycan Əmlak Məsələləri Dövlət Komitəsi "MKT İstehsalat Kommersiya" MMC-ni "Beyləqan-Pambıq" SC-nin səhmlərinin 30,34 faizinin satışı üzrə investisiya müsabiqəsinin qalibi elan edib. Bu barədə məlumat Dövlət Komitəsinin "Mülkiyyət" qəzetində şənbə günü dərc edilib.
Müsabiqənin iştirakçısı statusu iki iddiaçıya təqdim edilib.
İnvestisiya təkliflərinin qiymətləndirilməsinin nəticələrinə görə isə, "MKT İstehsalat Kommersiya" müsabiqənin qalibi elan edilib.
Müsabiqənin şərtlərinə əsasən, MMC dövlət büdcəsinə 40 min manat vəsait keçirtməyi öhdəsinə götürdü və altı ay ərzində investisiya proqramı çərçivəsində müəssisəyə 250 min manat sərmayə qoyacaq.
"Bu vasitələr müəssisənin emal sexinin təkmilləşdirilməsi məqsədi ilə müasir standartlara cavab verən avadanlığın alınmasına və quraşdırılmasına yönəldiləcək", - xəbərdə deyilir.
