Azərbaycan, Bakı, 15 iyun /Trend, müxbir E. Əliyev/
Qara Dəniz Ticarət və İnkişaf Bankı (QDTİB) Azərbaycanın 4 maliyyə təşkilatına ümumi məbləği 34 milyon dollar olan kredit ayırmağa hazırlaşır. Bu barədə şənbə günü Trend-ə QDTİB-dən deyiblər.
Bankdan deyiblər ki, kredit resursları 3 banka və 1 qeyri-bank təşkilatına ayrılacaq: "Vəsair kiçik və orta müəssisələrin inkişafına dəstək üçün nəzərdə tutulub".
Bankın məlumatına əsasən, kredit alanlardan ikisi artıq QDTİB-nin müştəriləridir.
Kredit müqavilələrin imzalanması iyunun 23-də QDTİB Müdirlər Şurasının XV illik toplantısı çərçivəsində baş tutacaq. Yığıncaq iyunun 20-23-də Bakıda keçiriləcək.