Azərbaycan, Bakı, 26 iyul /Trend, müxbir E.İsmayılov/
Təyyarələrə texniki xidmət göstərilməsi sahəsində dünya lideri olan "A J Walter Aviation" şirkəti 2013-cü ilin sonunadək "Azərbaycan Hava Yolları" QSC-nin (AZAL) bütün təyyarə parkının rebrendinqini tamamlayacaq. Bu barədə Trend şirkətin rəsmi saytına istinadən məlumat verir.
Rebrendinqi cari ilin sonunda həyata keçirilməli olan AZAL-ın aviaparkı 18 təyyarədən ibarətdir. Onlar arasında "Airbus 319", "Airbus 320", "Boeing 757" və "Boeing 767" təyyarələri var. Rebrendinqə təyyarələrin rənglənməsi də daxildir.
Şirkətin texniki direktoru Dipak Şarma deyib: "Biz "Azərbaycan Hava Yolları" ilə uzunmüddətli əlaqələrimizi davam etdirməkdən məmnunuq".