Azərbaycan, Bakı, 12 sentyabr /Trend/
Azərbaycan və Qırğızıstan hava əlaqəsi haqqında hökumətlərarası sazişin layihəsini razılaşdırırlar. Trend-in məlumatına görə, bu barədə Bakıda keçirilmiş Azərbaycan-Qırğızıstan iqtisadi və humanitar əməkdaşlıq üzrə hökumətlərarası komissiyasının II birgə iclasının yekunları üzrə imzalanmış protokolun mətnində deyilir.
Protokolda qeyd olunur ki, hökumətlərarası saziş üzərində iş sərnişin aviareysinin açılması məqsədilə aparılır.
Heydər Əliyev Beynəlxalq Hava Limanından cümə günü Trend-ə deyiblər ki, hazırda Bakı və Bişkek arasında birbaşa sərnişin daşımaları həyata keçirilmir. Hazırda Bakıdan Bişkekə bir sıra ölkələr, o cümlədən Qazaxıstan (Astana) vasitəsilə çatmaq olar.
