Azərbaycan, Bakı, 15 oktyabr/Trend, müxbir Maksim Tsurkov/
Düşənbədə Azərbaycan-Tacikistan ticari-iqtisadi əməkdaşlıq üzrə hökumətlərarası komissiyasının sayca üçüncü iclası işinə başlayır. Bunu çərşənbə günü Trend-ə İqtisadiyyat və Sənaye Nazirliyindən deyiblər.
Paralel olaraq, oktyabrın 15-16-da Tacikistanın paytaxtında Azərbaycan sahibkarlarının da qatılacağı Beynəlxalq İqtisadi Forum keçiriləcək. İqtisadiyyat və sənaye naziri Şahin Mustafayevin başçılıq etdiyi nümayəndə heyəti Düşənbədədir.
Forumda Tacikistana investisiyaların cəlb edilməsi imkanları müzakirə olunacaq.
Qeyd edək ki, Dövlət Gömrük Komitəsinin məlumatına görə, 2014-cü ilin yanvar-sentyabr aylarının yekunları üzrə iki ölkə arasında əmtəə dövriyyəsi 2,283 milyon dollar təşkil edib.
