Bakı. Ənvər Məmmədov - Trend:
2015-ci ildə Azərbaycanda tikinti materiallarının istehsalı ilə məşğul olan şirkətlər 433,7 milyon manat dəyərində məhsul istehsal ediblər ki, bu da 2014-cü ilin göstəricisindən 6,3 fazi çoxdur.
Bu barədə Trend-ə Dövlət Statistika Komitəsindən məlumat verilib.
Statistik göstəriciyə görə, ötən il Azərbaycanda 2,94 milyon ton sement (2014-cü illə müqayisədə 2,4 faiz çox), 195,5 min ton tikinti gipsi (2,3 faiz çox), 921,1 min ton hazır beton qarışığı (44,9 faiz az), 474,7 min ton asfalt (17,9 faiz çox), 22,2 min kubmetr beton tikinti konstruksiyaları (34,1 faiz az) və 10,77 min ton emal olunmuş mərmər, alebastr və məmulatları (2,1 faiz çox) istehsal edilib.