Bakı. Ənvər Məmmədov - Trend:
Azərbaycan İqtisadiyyat Nazirliyi və “Hayat Pharm” MMC əczaçılıq sənayesinin yaradılması və inkişafı ilə bağlı anlaşma memorandumu imzalayıb.
Trend-in məlumatına görə, imzalanma mərasimi Bakıda davam edən Azərbaycan Beynəlxalq Səhiyyə “BIHE 2017” sərgisində baş tutub.
Sənədi iqtisadiyyat nazirinin müavini Niyazi Səfərov və “Hayat Pharm”ın baş direktoru Ramin Hacıyev imzalayıb.
Qeyd edək ki, “Hayat Pharm” ilk əczaçılıq zavodu Azərbaycan-Rusiya birgə layihəsidir. Rusiya tərəfdən bu layihədə “R-Farm” iştirak edir.
