Bakı. Ənvər Məmmədov - Trend:
Azərbaycanda fəaliyyət göstərən sənaye parklarına daha 1,1 milyard dollar investisiya yatırılacaq.
Trend-in məlumatına görə, bunu Bakıda keçirilən 4-cü Aİ-Azərbaycan biznes-forumunda çıxışı zamanı Azərbaycan iqtisadiyyat nazirinin müavini Rüfət Məmmədov deyib.
O qeyd edib ki, bu günədək Azərbaycandakı sənaye parklarına 2,5 milyard dollar investisiya yerləşdirilib.
Nazir müavini həmçinin sahibkarlara vergidən azadolma və müxtəlif güzəştlər təqdim edən investisiyaların təşviqi sənədlərinin reallaşdırılması barədə danışıb:
“Bugünədək investisiyaların təşviqi sənədi 276 investisiya layihəsinin reallaşdırılması çərçivəsində verilib və bunların ümumi həcmi 2,5 milyard manat təşkil edib”.