Bakı. Ənvər Məmmədov - Trend:
Azərbaycanda reallaşdırılan iqtisadi islahatlar real nəticələr göstərir.
Trend-in məlumatına görə, bunu 4-cü Aİ-Azərbaycan biznes forumunda çıxışı zamanı Azərbaycan iqtisadiyyat nazirinin müavini Rüfət Məmmədov deyib.
O bildirib ki, 2018-ci ilin yanvar-aprel aylarında ölkədə qeyri-neft sənayesi 10,8 faiz, kənd təsərrüfatı 3,5 faiz artıb.
Nazir müavini əlavə edib ki, həmin dövrdə Azərbaycanın digər ölkələrlə ticarət dövriyyəsi 23,3 faiz, xüsusilə qeyri-neft ixracatı 19,3 faiz artıb:
“Bu ilin ilk dörd ayı ərzində Azərbaycanın valyuta ehtiyatları 2,1 milyard dollar artaraq 44 milyard dollara çatıb”.