Azərbaycan Nazirlər Kabineti pulların yuyulmasına qarşı qanun layihəsi üzərində işi başa çatdırıb.
Azərbaycan Milli Bankı yanında pulların yuyulması ilə mübarizə üzrə milli işçi qrupunun nümayəndəsi Əliyar Məmmədyarovun Trend agentliyinə verdiyi məlumata görə, yaxın vaxtlarda sənədin layihəsi daha sonra Milli Məclisdə müzakirə olunmaq üçün prezidentin İcra apparatına təqdim ediləcək.
"Sənəd parlamentə payızda təqdim ediləcək, bu isə qanunun 2005-ci iln sonunda qəbul ediləcəyinə imkan verir. Qanunun qəbul olunması korrupsiya ilə mübarizə üzrə dövlət proqramında göstərilib", - deyə, o qeyd edib.
A. Məmmədyarov bildirib ki, qanun layihəsi bu istiqamətdə qəbul olunmuş bütün konvensiyalara uyğundur. Qanun layihəsi artıq 13 müxtəlif nazirlik və idarələrlə razılaşdırılıb və onların müsbət rəyi əldə edilib.
