Avropa Yenidənqurma və İnkişaf bankı (AYİB) ilin sonuna kimi Azərbaycan dövlət dəmiryolu lokomativ parkının bərpasının maliyyələşdirilməsi layihəsini qəbul etməyi planlaşdırır. Bankın Bakı nümayəndəliyinin rəhbəri Reymond Konveyin Trend ə bildirdiyinə görə, hazırda bu layihənin həyata keçirilməsinə $30-$50 mln vəsaitin ayrılması məsələsi müzakirə olunur. AYİB-in direktorlar Şurasının layihəni 2005-ci ildə qəbul edəcəyi planlaşdırılır, lakin bunun üçün müvafiq prosedurların hazırlanmasını başa çatdırmaq lazımdır.
Layihənin hazırlanması məqsədilə AYİB-in nəqliyyat departamentinin missiyası bu yaxınlarda Bakıya gəlib. Hökumətdən bildirilib ki, missiyanın cari ilin payızında Bakıya daha bir səfəri gözlənilir.
Qeyd edək ki, layihədə fəaliyyət göstərən lokomativ parkının bərpası, yeni ehtiyat hissələrin, həmçinin yeni lokomativlərin alınması nəzərdə tutulur.