Sentyabrın 10-dan 14-dək Asiya inkişaf bankının (AİB) icraçı direktorları Azərbaycana səfər etməyi planlaşdırır. AİB-nin Bakıdakı nümayəndəliyində Trend ə bildirilib ki, səfərin məqsədi Azərbaycanda inkişaf prosesində icraçı direktorların toqqüuşduğu çətinliklərlə tanışlıq, aparıcı donorlarla danışıqlar aparılması, eləcə də AİB-nin ölkədəki fəaliyyəti barədə məlumatlanmaqdır.
AİB-nin icraçı direktorlarından ibarət qrup prezidentlə, baş nazirlə, aparıcı nazirlərlə, donorlarla, özəl sektor, qeyri-hökumət təşkilatları və digər maraq doğuran dairələrlə görüşlər keçirəcək.Bununla yanaşı, regionlara səfərlər, AİB-nin ölkədə gerçəkləşdirdiyi layihələrlə tanışlıq nəzərdə tutulur.
AİB-nin fəaliyyəti Mərkəzi Asiya və Sakit Okean ölkələri əhalisinin yoxsul təbəqəsinin tələblərinə cavab verən sabit iqtisadi yüksəliş, sosial inkişaf və zəruri idarəetmə yolları vasitəsilə yoxsulluğun azaldılmasına yönəldilib.
Azərbaycan 1999-cu ildən AİB-nin üzvüdür.İndiyədək AİB tərəfindən Azərbaycan üçün 2 layihə təsdiq olunub: daşqınların təsirinin azaldılması üçün $22mln və regionlarda şəhərin su təchizatı və kanalizasiya sisteminin təkmilləşdirilməsi üçün $30 mln.
Bununla yanaşı, $ 8,8 mln. həcmində texniki yardım üçün qranttəsdiq olunub.Həmçinin AİB tərəfindən təklif olunan layihələr kənd təsərrüfatında mikrmaliyyələşdirmə layihələrinin gerçəkləşdirilməsi, şərq-qərb yol dəhlizinin təşkili, erkən yaşlı uşaqların inkişafı və region şəhərlərinin sosial infrastrukturunun təkmilləşdirilməsinə yönəlib.