2006-cı ilin yanvarın 1-dən başlamış denominasiya prosesi qrafikə əsasən aparılır və aparılan araşdırmalar ictimaiyyət tərəfindən müsbət rəyi göstərib. Bu barədə Trend ə idarə heyətinin üzvü, AMB-nin kredit təşkilatlarının fəaliyyətinə nəzarət Departamentinin rəhbəri Rüfət Aslanlı bildirib.
Prezident fərmanında da nəzərdə tutulduğu kimi, tədbirlər ardıcıllığa riayət olunmaqla aparılır və ilin əvvəlindən metal sikkələr, eləcə də 1 və 5 manat dəyərində olan əskinaslar dövriyyəyə buraxılıb. Bu, ticarət və iqtisadi subyektlərdə birdən 19 nominalın dövriyyəsi ilə bağlı yarana biləcək çətinliklərin aradan qaldırılmasına kömək edəcək O, hesab edir ki, orta dəyərli (10, 20 manat) əskinasların dövriyyəyə buraxılması ilə bunlar pul strukturunda köhnə əskinasları tamamilə əvəz edəcək və Milli bankın hazırlaşdığı kütləvi proseslər bundan sonra gözlənilir.
R.Aslanlının qənaətinə görə, ötən ay yarım göstərib ki, yeni dizaynlı pul dövriyyəsində belə buraxılış forması əhalinin bu prosesə inamını artırır və əhali əmin olur ki, denominasiya itkiyə gətirib çıxarmır. Adətən qısamüddətli proseslər zamanı operativ maliyyə fırıldaqçıları peyda olur, amma belə bir ehtimal istisna edilir. AMB idarə heyətinin üzvü həm də metal sikkələrin buraxılış və dizayn tarixinin göstərilməməsinə görə dövriyyədən çıxarılması ilə bağlı xəbərləri əsassız hesab edir.
"Bunlar dövriyyədə qalır və belə xəbərlərin yayılmasına maraq ticarət obyektlərində ola bilər, çünki metal pulların daşınması, hesablanması kifayət qədər çətin prosesdir" -deyə AMB idarə heyətinin üzvü bildirib.
R.Aslanlı pulların buraxılış tarixinin göstərilməməsinin səbəbini bunların dövriyyə müddəti ilə izah edir. Pul əskinaslarının istismar müddəti 3-5 il, sikkələr isə 20 il təşkil edir. Bu vaxt ərzində əskinaslarda dizayn dəyişikliyi imkanı istisna edilmir, amma bu vaxtda sikkələr 50% köhnələcək. Metal pulların uzun müddətli istismarı ilə bağlı olaraq tarix göstərilməyə də bilər.
Denominasiya prosesinin inflyasiyanın artmasına təsirinə gəlincə AMB əməkdaşının fikrincə, denominasiya tamamilə başa çatmalıdır, bundan sonra bunun qiymət artımına təsirini müəyyən etmək olar. İlkin araşdırmalar göstərir ki, texniki inflyasiya əhəmiyyətli dərəcədə olmamalıdır. R.Aslanlı hesab edir ki, ilin əvvəlindən istehlakçı qiymətlərinin artımı olsa belə, bunun səbəbi denominasiya deyil.
