Azərbaycanda 2006-cı ilin sonuna kimi başa çatacaq Avropa Birliyinin texniki yardım proqramı (Tacis) çərçivəsində layihələrin reallaşdırılması 2010-cu ilə kimi davam etdiriləcək. Tacis -in Azərbaycanda əlaqələndirmə bürosunun icraçı lirektoru Ruslan Rüstəmlinin Trend ə verdiyi məlumata görə, 1992-ci ildən bu günə kimi ölkəyə Tacis proqramı çərçivəsində iki xətt -regional layihələr və birbaşa yardımlar göstərilib.
AB tərəfindən Azərbaycana göstərilən birbaşa yardımların ümumi həcmi 419 mln. avro təşkil edir. O cümlədən, Tacis proqramı üzrə 127,5 mln. avro institusional, inzibati və hüquqi islahatlar, iqtisadi inkişafa yönəlib.
Avropa Komissiyasının ərzaq təhlükəsizliyi üzrə proqramına 85 mln. avro ayrılıb.
