İyulun 1-i üçün Azərbaycanın regionlarında 510 ton yaşıl çay yarpağı yığılıb. Bu, demək olar ki, 2005-ci ilin analoji dövrünə olan göstəriciyə bərabərdir. Bu barədə Trend ə Kənd Təsərrüfatı Nazirliyindən məlumat verilib.
Bu il ölkədə 2,9 min ha sahədə yaşıl çay əkini həyata keçirilib.
Nazirlikdən bildirilib ki, bu il çay istehsalının həcminin 1 min ton təşkil edəcəyi proqnozlaşdırılır.
2005-ci ildə Azərbaycanda 3,7 min ha əkin sahəsindən 700 tondan artıq yaşıl çay yarpağı yığılıb. Hər hektardan 1,8 sentner məhsul götürülüb.
Azərbaycanda çay Lənkəran, Astara, qismən Masallı, Zaqatala və Lerikdə becərilir.