...

Nazir: 2007-ci ildə Azərbaycanda spirtli içki və tütün məmulatlarının idxalı üzrə aksizlər artacaq

Biznes və iqtisadiyyat xəbərləri Materials 10 Avqust 2006 15:32 (UTC +04:00)

Trend-i buradan izləyin

2007-ci ildə idxal və yerli məhsullara tədbiq olunan aksiz vergiləri arasındakı tənasüblük artırılacaq. Maliyyə naziri Samir Şərifovun bildirdiyinə görə, milli istehsalın dəstəklənməsi siyasəti prezident İlham Əliyevin Nazirlər Kabinetinin 2006-cı ilin birinci yarımilinə həsr olunmuş iclasında verdiyi tapşırıqlarla bağlıdır.

Bununla əlaqədar büdcə paketində gələn il üçün xüsusilə spirtli içki və tütün məmulatlarının idxalı üzrə aksiz dərəcələrinin artırılması nəzərdə tutulub.

Ümumdünya Ticarət Təşkilatı ilə danışıqlar çərçivəsində idxal və yerli məhsulların aksiz dərəcəsini bərabərləşdirmək təklif olunub. S.Şərifov hesab edir ki, bu ayrı-seçkilik gələcəkdə aradan qaldırıla bilər.

Hazırda aksiz mallarının idxalı üzrə aksiz dərəcələri Nazirlər Kabinetinin qərarları, daxili bazarda isə Vergi Məcəlləsilə tənzimlənir. Yalnız Nazirlər Kabineti tərəfindən müəyyənləşdirilən neft məhsullarının aksiz vergisi istisna təşkil edir. Xüsusilə, Nazirlər Kabinetinin qərarlarında və Vergi Məcəlləsində spirtli içki və tütün məmulatlarının siyahısı və buna müvafiq olaraq aksiz vergiləri fərqlənir. ÜTT-nin tələbilə bu fərqlər də aradan qaldırılmalıdır.

İqtisadi inkişaf naziri Heydər Babayevin fikrincə, aksiz vergilər və digər tariflərdəki ayrı-seçkiliyə ehtiyac yoxdur və bunları tədricən uyğunlaşdırmaq lazımdır. "Biz öz qərarımızda qətiyyətli olmalıyıq, çünki ayrı-seçkiliyə yol verildikdə yerli məhsulun keyfiyyəti aşağı düşəcək" - deyə H.Babayev bildirib.

Xəbər lenti

Xəbər lenti