Azərbaycan İnvestisiyaların Təşviqi və İxrac Fondunun (AZPROMO) ixrac məsələləri ilə məşğul olan əməkdaşlarından ibarət qrup Aktaudadır. Fondun prezidenti Emil Məcidovun məlumatına görə, səfərdə əsas məqsəd Azərbaycan şirkətlərinin Qazaxıstanın qərbində müqavilə bağlamaq imkanlarının öyrənilməsindən ibarətdir.
Qrupa İxrac üzrə Departamentin direktoru Elşən Qurbanov rəhbərlik edir. Azərbaycan nümayəndə heyətinə, həmçinin, xidmət sektorunda fəaliyyət göstərən 6 şirkətin nümayəndələri də daxildir və onlar yerli səviyyədə memorandumlar imzalamağa hazırlaşır.