...

KFW və SECO-nun su layihəsi çərçivəsində məsləhət xidmətləri üzrə iddiaçıların Azərbaycana səfəri gözlənilir

Biznes və iqtisadiyyat xəbərləri Materials 28 Oktyabr 2006 13:34 (UTC +04:00)

Gəncə və Şəkidə su şəbəkələrinin yenidənqurulması layihəsi üçün məsləhətçinin seçilməsi üzrə tenderdə iştirak etmək məqsədilə ərizə vermiş 5 İsveçrə firması noyabrda Azərbaycana gəlməyi planlaşdırır. Almaniya Yenidənqurma Bankının (KFW) Bakı ofisinin rəhbəri Natiq Abdullayev Trend ə bildirib ki, məsləhət xidmətləri İsveçrənin İqtisadi Əlaqələr üzrə Dövlət Katibliyinin (SECO) ayırdığı qrant hesabına maliyyələşdiriləcək. Buna görə də tenderdə yalnız İsveçrə firmaları iştirak edə bilər. Məsləhətçi layihə çərçivəsində tikinti işlərinə nəzarət edəcək.

"Onlar Gəncə və Şəkinin su təchizat sistemi ilə yerində tanış olmaq istəyir. Əgər onlar noyabr-dekabr aylarında gəlsələr, ilin sonunda firma müəyyən ediləcək və məsləhətçi hesabatın dizaynını hazırlamaq üçün artıq I rübün əvvəlində gələ bilər. Əgər hər şey bu qrafik üzrə gedərsə, fiziki işlərə ikinci rübdən başlamaq olar", - deyə N.Abdullayev qeyd edib.

Onun sözlərinə görə, baş podratçının seçilməsi nəzərdə tutulmur. Ayrı-ayrı lotlar üzrə isə Azərbaycan firmaları işlərin yerinə yetirilməsinə cəlb olunacaq.

3,5-4 il üçün nəzərdə tutulmuş layihənin birinci fazasının dəyəri 54,6 mln. avro dəyərində razılaşdırılıb. Bunun 37 mln. avrosu (25,85 mln. avro yeni kreditin və İmişlidə analoji işlər üçün ayrılmış vəsaitin qalığının payına düşür) KfW, 10 mln. avro SECO tərəfindən qrant kimi ayrılacaq. 7,6 mln. avro isə Azərbaycan hökumətinin payı hesabına ödəniləcək.

KFW və Seco ilə layihə üzrə maliyyələşdirmə haqqında müqavilələr paketi və xüsusi sazişlər 2006-ci ilin avqustunda imzalanıb. Prosedurlara əsasən, müqavilələr Azərbaycan parlametində ratifikasiya edildikdən sonra qüvvəyə minəcək.

Xəbər lenti

Xəbər lenti