Oktyabrın 1-nə olan vəziyyət üzrə, 602 ton həcmində yaşıl yarpaq yığımı həyata keçirilib. Bu barədə Trend Dövlət Statistika Komitəsinə istinadən xəbər verir. Hər bir hektardan 2,1 sentner məhsul yığılıb. 2005-ci ilin həmin dövrü ilə müqayisədə çay yığımı 100 ton aşağı düşüb.
Bu il ölkədə yaşıl çay əkini 2,9 min ha sahədə həyata keçirilib.
Kənd Təsərrüfatı Nazirliyi tərəfindən 2006-cı il üçün çay istehsalının proqnozlaşdırılmış həcmi 1 min tondan artıq təşkil edir.
2005-ci ildə Azərbaycanda 2,9 min ha ümumi əkin sahəsindən 700 tondan çox yaşıl çay yarpağı yığılıb. Hər bir hektardan 2,5 sentner məhsul götürülüb.
Azərbaycanda çay Lənkəran, Astara, qismən də Masallı, Zaqatala və Lerikdə yetişdirilir.
