...

Agrolizing ASC kənd təsərrüfatı texnikasının yeni partiyasını alıb

Biznes və iqtisadiyyat xəbərləri Materials 9 Dekabr 2006 14:34 (UTC +04:00)

Agrolizing ASC bu günlərdə kənd təsərrüfatı texnikasının yeni partiyasını alıb. Bu barədə Trend ə müəssisənin rəhbəri Tariyel Rəsulov xəbər verib.

Onun sözlərinə görə, bu il ərzində bu günə qədər dövlət strukturu 250 kombayn, 464 traktor, 20 ekskavator, 1443 ədəd müxtəlif kənd təssərrüfatı texnikası alıb. Bu dövr üçün alınmış pestisidlərin və gübrələrin həcmi 29 min ton təşkil edib. Bu günədək onların hamısı ASC-yə təqdim olunub. Təkcə 3 min ton qalıb ki, o da yaxın günlərdə gətiriləcək.

Aqrolizing ASC-nin rəhbəri bildirib ki, dövlət strukturlarının xətti ilə alınmış kənd təsərrüfatı texnikasının fermerlərə verilmə şərtlərinin yumşaldılması məsələsi hələ də açıq qalır. Kənd təsərüfatı texnikasının ASC tərfindən verilməsi və satılmasında yüksək rüsumlar barədə daxil olan müraciətlərə əsasən və bölgələrdə fermerlərin vəziyyətini nəzərə alaraq Azərbaycan Kənd Təsərrüfatı Nazirliyi ASC-lə birgə bu barədə təkliflərini hazırlayıb və artıq baxılmaq üçün hökumətə təqdim edib. Texnikanın alınmasında əvvəl qoyulmuş 5 il kredit müddətinin 10 ilədək artırılması və ipoteka razılaşması olarsa, girovun texnikanın 50% dəyərində ləğv olunması məqsədəuyğundur.

"Hazırda bu istiqamətdə heç bir hərəkət yoxdur"- deyə T. Rəsulov qeyd edib. 2005-ci ildə dövlət vəsaitləri hesabından ASC-yə 100 mlrd AZM ayrılıb ki, bunun da 8 mlrd-ı ASC-nin idarə olunmasına sərf olunub. Yerdə qalan məbləğə kənd təsərrüfatı texnikası alınıb. 2006-cı ildə Agrolizingə ayrılmış vəsait 28 mln AZN təşkil edib ki, buna 1 mindən çox kənd təsərrüfatı texnikası alınıb.

Agrolizing ASC 2004-cü ilin 23 oktyabrında Azərbaycan prezidenti İlham Əliyevin sərəncamına əsasən yaradılıb. Müəssisənin fəaliyyəti aqrar sferanın yaxşılaşdırılmasına, sahibkarlığın lizinq yolu ilə kənd təsərrüfatı texnikasının əldə olunub yerli torpaq sahiblərinə vekrilməsi vasitəsilə dəstəklənməsinə yönəlib. Bu gün Azərbaycanın bölgələrində ASC-in 50-dən aqrotexservis filialı var.

Xəbər lenti

Xəbər lenti