Azərbaycan,Bakı/müxbir Trend İ.Xəlilova/Aprelin 18-dən 25-dək Beynəlxalq Valyuta Fondunun (BFV) statistika departamentinin baş iqtisadçısı Zdravk Balyezovun başçılığı altında texniki missiyanın Bakıya səfəri planlaşdırılıb. Bu barədə çərşənbə axşamı günü fondun Bakı nümayəndələyindən məlumat verilib.
Səfərin əsas məqsədi ölkənin BVF-nin məlumatların ötürülməsinin xüsusi standartlarına qoşulmanın ekspert qiymətləndirilməsinin aparılmasıdır. Dövlət Statistika Komitəsi artıq fonda statistik məlumatların cədvəl və təqvim nəşrlərini təqdim edib. Azərbaycanın BVF-nin standartlarına qoşulması müddəti hələ də müəyyən olunmayıb. Azərbaycan BVF-nin xüsusi standartlarına qoşulmaq üçün bütün tələbələri və maksimal olaraq fondun metodik məlumat və göstəricilər standartlarını yerinə yetirməlidir. Statistik məlumatların 90%-i Dövlət Statistika Komitəsindədir, Maliyyə Nazirliyi və AMB-də qalan 10%-i əldə etmək üçün koordinatorlar müəyyən olunub.
Maliyyə Nazirliyi və Azərbaycan Milli Bankı tərəfindən koordintorlar təyin olunub, lakin respublika üzrə əsas koordinasiya edən orqan Dövlət Statistika Komitəsidir (koordinator sədr müavini Ağadadaş Məmmədov təyin olunub).
Təqribən 2-3 il bundan əvvəl Azərbaycan BVF-nin məlumatların ötürülməsi üzrə ümumi standartlarına qoşulub.
