Azərbaycan, Bakı /müx. Trend İ.Xəlilova/2007-ci ildə Qazaxıstanın Aktau beynəlxalq ticarət limanından Azərbaycana 200 min tondan çox taxılın göndərilməsi planlaşdırılır.
Bu barədə limanın korporativ inkişafı üzrə direktorunun müavini Dauerin Kutpanbayev məlumat verib.
Hazırda Aktau limanının ötürmə qabiliyyəti 600 min ton təşkil edir. "Ümid edirik ki, yaxın perspektivdə məhz Azərbaycan istiqamətində bu həcmə tələbət olacaq və limanın imkanlarının 80 faizindən istifadə ediləcək" - deyə Kutpanbayev bildirib.
Məlumat üsün bildirək ki, illik dövriyyəsi 500 min ton olan taxıl terminalı 2007-ci ildə istifadəyə verilib. Azərbaycan əhalisinin sənaye taxılına illik tələbatı 1,1 milyon ton, respublikanın ümumi tələbatı isə 3 milyon ton təşkil edir. Ölkədə hər il 2,150-2,200 milyon taxıl istehsal olunur. Yəni bu o deməkdir ki, hər il Azərbaycana 1 milyon ton taxıl idxal etmək kifayətdir. Müvafiq olaraq taxıl terminalında təkcə Qazaxıstandan gətirilən taxıl yerləşdirilməyəcək, burada həmçinin tranzit üçün nəzərdə tutulan taxıl da olacaq.