Azərbaycan, Bakı/ Trend müxbir İ.Xəlilova/ Azərbaycan və Koreyanın Nəqliyyat nazirlikləri arasında aprelin 24-də Seulda niyyət memorandumunun imzalanması gözlənilir. Bu barədə cümə axşamı nazirlikdən məlumat verilib.
Memorandum çərçivəsində Koreya Azərbaycana Bakı şəhərində "Nəqliyyatın intellektual idarəetmə" sisteminin yaradılmasında kömək edəcək.
Layihənin ilkin qiymətləndirilməsi 50 - 55 mln. dollar, həyata keçirilmə müddəti isə 3 ildir. Tenderin memorandum imzalandıqdan sonra elan olunması planlaşdırılıb.
Koreyalı ekspertlkər tərəfindən aparılmıış abraşdırmadan sonra müəyyən olunub ki, Koreya şirkəti ilə birgə fəaliyyət nəticəsində Azərbaycanın şəhər nəqliyyatı yollarında analoji sistemin qurulması mümkündür.
Koreyanın STS şirkətinin nümayəndələri Azərbaycanın Nəqliyyat Nazirliyində layihənin iki təqdimatını keçirib. Bu sistemin yaradılması nəqliyyat vasitələrinin hərəkəti, sürəti, dayanacaqları, nəqliyyat qəzaları, tıxaclar və digər hadisələr barədə operativ məlumatları mərkəzi dispetçer məntəqəsinə ötürməyə imkan verəcək.
