Gürcüstan, Tbilisi /müx. Trend N.Kirtsxalia/ Azərbaycanlı mütəxəssislər Tbilisidə dabaq və Sibir xorası kimi xəstəliklərin aşkarlanması diaqnostikasının müasir metodlarına həsr olunmuş treninqlərdə iştirak edəcəklər. Gürcüstanın Xəstəliklərə Nəzarət Mərkəzinin direktoru Paata İmnadzenin Trend ə verdiyi xəbərə görə, artıq azərbaycanlı mütəxəssislərdən ibarət qrup Tbilisiyə gəlib.
İmnadzenin sözlərinə görə, bu gündən Mərkəzin bazasında dabaq və Sibir xorasının laboratoriya diaqnostikası üzrə treninqlərə start veriləcək. Treninqlər avqustun 3-də yekunlaşacaq.
Azərbaycanlı infeksionistlərlə bərabər treninqlərdə həmçinin gürcü və amerikalı mütəxəssislər iştirak edəcək. Sonuncular bu sahədə əldə etdikləri təcrübə ilə bölüşəcəklər.
Treninqlər "Təhlükələrin azalması" layihəsi çərçivəsində keçiriləcək. Bu layihəni Gürcüstanda ABŞ reallaşdırır.