Azərbaycan, Bakı / Trend , müxbir İ.Xəlilova / Ölkənin Maliyyə Nazirliyindən verilən məlumata görə, ƏDV-in inzibatçılığı sisteminin təklimlləşdirilməsi artıq 2008-ci ildən bu verginin dərəcəsini parallel olaraq azaltmağa imkan verəcək, belə ki, vergi toplanışı təkmilləşməlidir.
"Hazırda ƏDV-in dərəcəsinin 0,5-1% aşağı salınması imkanları müzakirə olunur" - deyə nazirlikdən bu məsələyə yaxın olan mənbə bildirib. Hazırda Azərbaycanda ƏDV-in dərəcəsi 18% təşkil edir.
Nazirlik tərəfindən təklif olunan vergilər üzrə sənəd layihəsində ƏDV-hesabların və çeklər vasitəsilə ƏDV-in ödənişinin tətbiqi nəzərdə tutulub. Maliyyə Nazirliyində vergi ödəyiciləri üçün əlavə süründürməçilik səbəbindən çek sisteminin tətbiqini ideal hesab etmirlər. Lakin ƏDV-hesabların açılmasını maliyyəçilər 2008-ci ildən real hesab edirlər. Bu təklif artıq üç ildir ki, irəli sürülüb. Sözü gedən sistemin yekun olaraq işlənməsi üçün Vergilər Məcəlləsinə 2007-ci il üçün olan dəyişiklik və əlavələrdən bu maddə götürülüb. Bank sisteminin, vergi ödəyicilərinin dövriyyə vəsaitlərinin tətbiq edilməsi il əlaqədar olaraq bir sıra texniki məqamlar üçün vaxt tələb olunub.
Verginin digər növləri üzrə dərəcələrin aşağı salınması nəzərdə tutulmur, lakin digər yollarla vergi yükünün azaldılması imkanları nəzərdə tutulur. Bu arada Maliyyə Nazirliyində ən yüksək gəlir vergisi dərəcəsinə malik olan maksimal məbləğin nəzərdən keçirilmə ehtimalını istisina etməyiblər (35%), lakin ikisəviyyəli miqyas dəyişməz qalacaq (gəlir vergisinin minimum dərəcəsi 14% təşkil edir).
Dərəcələr üzrə son dəyişikliklər 2006-cı ildə edilib. Gəlir vergisi üzrə dərəcələr 24%-dən 22%- qədər azalıb, mənfəət vergisi üzrə 35% maksimal dərəcəyə malik olan gəlirin məbləği 600 manatdan min manatadək artıb.
