Azərbaycan, Bakı/ Trend müxbir Ü.İsmayılova/ Azərbaycanın iri sığorta şirkətlərindən biri Standard Insurance şirkəti göstərdiyi xidmətlərin sayını artırmaq niyyətindədir. Standard Insurance idarə heyətinin sədr müavini Aydın Rəhmanov bildirib ki, şirkətin hazırladığı proqram sığorta xidmətlərində hər həftə yeni növ müxtəlifliklərin təqdim olunması nəzərdə tutulur.
Sığorta haqqında qüvvədə olan qanuna əsasən şirkətlər artıq icazə aldıqları xidmət növlərində müxtəliflik üçün Maliyyə Nazirliyindən lisenziya almalı deyillər. Onun sözlərinə görə, yeni sığorta məhsulları əsasən ən çox istifadə olunan sığorta növləri - avtomobil, əmlak, tibbi sığorta, xaricə gedənlərin sığortası, həmçinin korporativ müştərilər üçün tətbiq olunacaq.
Standard Insurance hazırda 22 könüllü və 4 icbari sığorta növü üzrə lisenziyaya malikdir.
2002-ci ildən fəaliyyət göstərən Standard Insurance şirkətinin nizamnamə kapitalı 8 mln. manatdır.
