Azərbaycan, Bakı / Trend , müxbir S.Əliyev, V.Şərifov/ Azərbaycan Dövlət Neft Şirkəti (ARDNŞ) Avropada öz treydinq şirkətini yaratmaq məqsədilə hüquqi və kommersiya məsələlərinin razılaşdırılmasını başa çatdırmiaq üzrədir.
Cümə axşamı Azərbaycan Dövlət Neft Şirkətinin yüksək vəzifəli şəxsinin verdiyi məlumata görə, ARDNŞ treydinq şirkəti ofisinin coğrafi vəziyyətinin effektivliyini araşdırır.
"Cenevrə, yoxsa Londonda daha effektiv ticarət aparmağın mümkün olmasını müəyyənləşdiririk. Cenevrə və Londonda olmaqla iki nümayəndəlik mövcud olacaq, Ticarət Evinin harada yerləşəcəyi isə aparılan təhlilin nəticələrindən asılı olacaq" - deyə ARDNŞ nümayəndəsi bildirib.
ARDNŞ öz treydinq şirkətinin vasitəsilə Avropada neft və neft məhsulları satmaq niyyətindədəir. Treydinq şirkətinin açılışı 2008-ci ilin əvvəlinə təyin olunub.