Azərbaycan, Bakı, 25 fevral/ " , müxbir S.Əliyev/ Rusiyanın "İnter RAO YES" və Azərbaycanın "Azərenerji" SC arasında elektrik enerjisinin alqı-satqısı haqqında yeni müqavilə imzalanıb. Bu barədə "Azərenerji"nin bazar ertəsi yayılan məlumatında deyilir.
Tərəflər yeni müqavilə üzrə Rusiya və Azərbaycan arasında günün istənilən vaxtında elektrik enerjisi alqı-satqısı üzrə vahid tarif tətbiq edirlər.
Rusiya tərəfi mübadiləni "güzgü" prinsipi əasında həyata keçirməyi, daha doğrusu tərəflərdən hər biri üçün 1 kVt/s elektrik enerjisinə görə 4,3 ABŞ senti məbləğində vahid dəyər tətbiq etməyi təklif edib.
Hazırda Azərbaycanda elektrik enerjisi istehsalı həcmi istehlakı tam ödəyir. 2007-ci ildə Rusiyadan alınan elektrik enerjisi 2006-cı ilə nisbətən 70 faiz azalıb. Bu gün Azərbaycan Rusiyaya verdiyi qədər elektrik enerjisi alır.
Rusiya və Azərbaycan arasında elektrik enerjisi mübadiləsi müsbət faktordur. Elektrik enerjisi axınları Rusiyanın Cənub regionu (Dağıstan, Şimali Qafqaz) və Azərbaycanın Şimal rayonlarının elektrik sistemlərinin etibarlılıq və dayanıqlılığını artırır.
2008-ci ilin əvvəlindən Azərbaycan və Rusiya elektrik enerjisinin alqı-satqısı üçün mövcud müqavilə üzrə elektrik enerjisinin qarşlıqlı mübadiləsi üzrə əməliyyatları davam etdiriblər.
Məqalə müəllifinin ünvanı: [email protected]
