...

Azərbaycan hökuməti ilk özəl istilik elektrik stansiyasının tikintisi üzrə "Kepko"nun sənədlərinin təhlilinə başlayıb

Energetika Materials 18 Mart 2008 16:05 (UTC +04:00)

Azərbaycan, Bakı, 18 mart/ " , müxbir İ.Xəlilova/ Cənubi Koreyanın "Kepko" şirkəti Ələt qəsəbəsində (Bakıya yaxın) 818 MVt gücündə özəl istilik elektrik stansiyasının tikinti layihəsi üzrə müqavilənin bağlanması üçün lazım olan 9 sənədi hazırlayıb və onlar nəzərdən keçirilmək üçün Azərbaycanın Nazirlər Kabinetinə təqdim edilib. Bu barədə iqtisadi inkişaf nazirinin müavini Mikayıl Cabbarov məlumat verib. Bu sənədlər arasında texniki-iqtisadi əsaslandırma, enerji konversiyası haqqında və torpaq icarəsi haqqında sazişlər təqdim edilib.

"Bu sənədlərin təhlili aparılmadan elektrik stansiyasının tikintisinə başlamaq haqqında danışmaq mümkün deyil. Lakin biz razılaşdırılmış qrafik üzrə hərəkət edirik" - deyən Cabbarov əlavə edib ki: "Əgər dəyişikliklər baş verməsə, stansiyanın bünövrəsi iyulun sonunda qoyulacaq".

"Kepko"nun təklifləri Azərbaycan tərəfindən qəbul edildiyi halda elektrik stansiyası 3, - 3,5 il müddətində tikiləcək.

Layihənin dəyəri 640 mln. manat (523 mln. avro) qiymətləndirilir. Layihənin hazırlanmış texniki-iqtisadi əsaslandırmasına əsasən, stansiya iki qaz və bir buxar turbinindən ibarət olacaq. Faydalı iş əmsalı isə 57,27 faiz qiymətləndirilir.

Stansiyada müasir qaz turbinlərindən istifadə nəticəsində 1 kVt/s elektrik enerjisinin alınması üçün 0,185 kubmetr təbii qazdan istifadə etmək nəzərdə tutulur ki, bu da 1 kubmetr qazdan 5,4 kVt/s enerji alınması deməkdir. Stansiyanın 1 kVt gücünün "açar altında" tikintisi üçün 783 manat (640 avro) sərf ediləcək.

Belə layihənin Azərbaycan və bütün post-sovet məkanında ilk dəfə reallaşdırıldığını nəzərə alaraq, layihənin qiymətləndirilməsi üçün İİN beynəlxalq ekspertləri dəvət edib. Fransanın BNP Paribas bankı maliyyə məsləhətçisi, Allen & Overy - hüquqi məsləhətçi, MottMacDonald - texniki məsləhətçi və Azərbaycanın MGB-si yerli hüquqi məsləhətçi kimi cəlb edilib.

Layihənin reallaşdırılması üçün dövlət büdcəsindən vəsait cəlb edilməsi və kreditlərə dövlət zəmanətinin təqdim edilməsi nəzərdə tutulmur. Belə ki, investor bütün xərcləri öz üzərinə götürmək niyyətindədir. Layihənin daha bir üstünlüyü elektrik enerjisinin istehsalı üçün təbii qazdan istifadə edilməsidir və bu müasir texnologiyaların tətbiqi nəticəsində təmin ediləcək.

Şirkət tərəfindən tikinti və idarə müddəti 25 il təqdim edilib ki, bu da dünya təcrübəsi ilə normaldir.

Məqalə müəllifinin ünvanı: [email protected]

Xəbər lenti

Xəbər lenti