Azərbaycan, Bakı, 02 sentyabr/ Trend /Yanvar-avqustda Azərbaycanda təxminən 7,04 mlrd. kubmetr qaz təhvil verilib ki, bu da ötən ilin göstəricisindən 1,05 mlrd. kubmetr çoxdur, Azərbaycan Dövlət Neft Şirkətinin (ARDNŞ) məlumatında bildirilir.
Yanvar-avqustda təhvil verilən qazın təxminən 4,5 mlrd. kubmetri ARDNŞ-in şəxsi vəsaitləri hesabına işlədiyi yataqlardan hasil etdiyi qazın payına düşüb.
ARDNŞ -nin məlumatında bildirilir ki, yanvar-avqustda qalan 2,54 mlrd. kubmetrdən çox qaz Azərbaycan Beynəlxalq Əməliyyat Şirkətinin (ABƏŞ) "Azəri - Çıraq - Günəşli" yataqlarından hasil etdiyi səmt qazı və "Şahdəniz" müqavilə sahəsindən hasil edilən qazın payına düşüb.
Avqustda dövlətə 880,8 mln. kubmetr qaz verilib. Bunun 570,6 mln. kubmetrdən çox hissəsi ARDNŞ, qalan 310 mln. kubmetri isə, ABƏŞ və "Şahdəniz"in payına düşüb.
1994 - cü ildə imzalanmış PSA tipli müqaviləyə əsasən, ABƏŞ, sazişə əsasən neft-qaz əməliyyatlarının aparılması üçün zəruri olan həcmlər istisna olmaqla, neftlə birlikdə "Azəri-Çıraq-Günəşli" yatağından hasil edilən səmt qazını əvəzsiz olaraq Azərbaycana verir.
