Azərbaycan, Bakı, 17 sentyabr / Trend , müxbir E.İsmayılov/ İlin sonunadək "Bahar" dəniz yatağı bazasında yeni qaz anbarının tikintisi layihəsi təqdim olunacaq. Bu barədə Azərbaycan Dövlət Neft Şirkətindən (ARDNŞ) bildiriblər.
"Bu, böyük layihədir və hazırda onun üzərində işləyirik. Təqdimat mərasimindən sonra layihə üzərində təfərrüatlı iş aparılacaq", - deyə ARDNŞ - dən bildiriblər.
ARDNŞ "Bahar" yatağının işlənməsi ilə müstəqil məşğul olur. Bu yatağın ehtiyatları əhəmiyyətli dərəcədə işlənib.
"Bahar" nadir yataqdır. Ötən əsrin 80-ci illərində bu yataqdan 16 - 17 mln. kubmetr təbii qaz hasil edilib ki, bu da ölkənin qaza tələbatının 30 - 40 faizini təmin edib.
"Qum adası" ("Bahar"ın işlənməsi ilə məşğul olur) Neft -Qaz Çıxarma İdarəsi (NQÇİ) tərəfindən yataqda hər gün 687 min kubmetr təbii qaz hasil olunur.
Hazırda Azərbaycan "Qaradağ" və "Qalmaz" yeraltı qaz anbarından istifadə edir
Ölkədə qaz hasilatı ilə şəxsi vəsaitlərihesabınaöz yataqlarından yanacaq istehsal edən ARDNŞ məşğul olur. ARDNŞ -nin hasil etdiyi qazın böyük hissəsi Azərbaycanın daxili bazarında tələbatın ödənməsinə istifadə olunur. Hazırda sutkada 1,5 mln. kubmetr qaz Gürcüstana ixrac edilir.
Qaz BP-nin texniki operatorluğu ilə, ARDNŞ -nin iştirakı ilə xarici tərəfdaşlar tərəfindən "Şahdəniz" yatağından da hasil olunur. Hasil olunan qaz Azərbaycan bazarına, eləcə də Cənubi Qafqaz boru kəməri vasitəsilə Gürcüstan və Türkiyəyə ixrac olunur.
Məqalə müəllifi ilə əlaqə ünvanı [email protected]