Türkmənistan, Aşqabad, 27 may / Trend , müxbir H.Həsənov /
Əlaqədar təşkilatlarla danışıqlar aparmaqdan ötrü Səudiyyə Ərəbistanının Ticarət-Sənaye Palatasının sədr müavini Əbdül Rəhman əl-Cərasinin rəhbərlik etdiyi nümayəndə heyəti Aşqabada təşrif buyurub. Bu barədə rəsmi mənbə məlumat verib.
Nazirlər Kabineti və digər nazirliklərdə görüşlər planlaşdırılıb. Sözügedən görüşlər iki ölkənin müəssisə, firma və təşkilatları arasında əməkdaşlıq perspektivlərinin öyrənilməsini, eləcə də kiçik və orta biznes sahəsində koorperasiyanın genişlənməsinə yardımı nəzərdə tutur.
Məlum olduğu kimi, bir müddət öncə "PetroSaud Int" şirkəti Türkmənistan hökumətinə hər iki ölkə üçün strateji əhəmiyyət kəsb edən neft-qaz sahəsinə dair bir neçə investisiya layihəsi təqdim edib. Bundan əlavə, Krallığın şirkətlərindən biri sement və digər tikinti materiallarının istehsalı, eləcə də kənd təsərüfatı, heyvandarlıq, taxıl və yem bitkiləri sahəsində Türkmənistanla əməkdaşlıq təklif edib.
Məqalə müəllifi ilə əlaqə ünvanı: [email protected]
