Azərbaycan, Bakı, 29 oktyabr / Trend , müxbir E.İsmayılov/
ARDNŞ (Azərbaycan Respublikası Dövlət Neft Şirkəti) Xəzərin Azərbaycan sektorunda "Ümid" perspektivli qaz strukturunda ilk kəşfiyyat quyusunun qazılması çərçivəsində 1200 metr qazma işləri həyata keçirib. Bu barədə cümə axşamı şirkətdəki mənbədən bildirilib.
"Artıq 2600 metr qazılıb, quyunun genişləndirilməsi işlərinə başlanılıb", - mənbədən deyilib.
Kəşfiyyat quyusunun qazılmasına avqust ayında başlanılmasına baxmayaraq, qazma çox yüksək templə həyata keçirilir. Mənbənin fikrincə, qazma 3500-4000 metr dərinliyədək çətin olmayacaq. "Dərinə getdikcə qazma çətinləşəcək", - mənbə bu barədə bu sahənin mürəkkəb geoloji və tektonik quruluşu ilə fərqlənməsilə izah edərək bildirib.
Mənbədən bildirildiyi kimi, struktur çox perspektivlidir və ARDNŞ kəşfiyyat qazma işlərinə böyük ümidlər bağlayıb.
Bu, ARDNŞ-nin son 15 ildə apardığı ilk müstəqil kəşfiyyat qazmasıdır. ARDNŞ geoloqları "Ümid" perspektivli strukturda ehtimal edilən qaz ehtiyatını 300 milyard kubmetr, qaz-kondensat ehtiyatını isə 30-40 milyon ton olaraq dəyərləndirirlər.
Bir müddət əvvəl ARDNŞ "Ümid-1" platformasının inşasını başa çatdırıb. Bu platformada kəşfiyyat qyusunun qazılması həyata keçirilir. "Ümid-1" platforması tikilib başa çatdırılmamış "Çıraq-6" platformasının bazasında yaradılıb. "Çıraq-6" proqram çərçivəsində ən iri obyektdir. Onun hündürlüyü 72 metrdir. Platforma 58 metr dərinlikdəki "Bulla dəniz" yatağının 15 km-də yerləşir. Ümumilikdə, platformada 6 qaz quyusunun qazılması planlaşdırılır.
Məqalə müəllifi ilə əlaqə ünvanı: [email protected]
