...

Azərbaycan Avropaya 2017-ci ilədək 2 milyard kubmetr qaz sata bilər - ARDNŞ

Energetika Materials 21 Sentyabr 2011 11:44 (UTC +04:00)

Azərbaycan, Bakı, 21 sentyabr /Trend, müxbir E.İsmayılov/

2017-18-ci illərdə Azərbaycan Avropa bazarlarına ilkin mərhələdə 10 milyard kubmetr həcmində qaz tədarük etməyi planlaşdırır. Bu barədə çərşənbə günü ARDNŞ-nin (Azərbaycan Respublikası Dövlət Neft Şirkəti) rəhbəri Rövnəq Abdullayev Bakıda III "Gas Infrastructure World Caspian" konfransında bildirib.

Onun sözlərinə görə, hazırda Azərbaycan qazının Avropaya nəqli üzrə bəzi boru kəməri layihələrinə baxılır. Onların arasında ITGI, TAPH, "Nabukko" layihələri var. Həmçinin Rumıniyaya maye qazın, Bolqarıstana isə sıxılmış qazın satışı variantları nəzərdən keçirilir.

Abdullayev bildirib ki, Türkiyə ilə qaz sazişi paketinin razılaşdırılması üzrə işlər davam etdirilir. O, bu danışıqların yaxın vaxtlarda başa çatacağına ümidini ifadə edib.

ARDNŞ rəhbəri bildirib ki, kiçik regional qaz kəmərləri vasitəsilə Avropa bazarlarına iki milyard kubmerədək qazın tədarük edilməsi Türkiyə tərəfi ilə danışıqların nəticələrindən asılı ola bilər.

Xəbər lenti

Xəbər lenti