...

ARDNŞ bu il qazma işlərinin həcmini təxminən 13 faiz artırıb

Energetika Materials 6 Oktyabr 2011 12:19

Trend-i buradan izləyin

Azərbaycan, Bakı, 6 oktyabr /Trend, müxbir E.İsmayılov/

Yanvar-sentyabrda ARDNŞ (Azərbaycan Respublikası Dövlət Neft Şirkəti) (birgə müəssislər və əməliyyat şirkətləri istisna olmaqla) 118 954 metr həcmində qazma işləri aparıb. Keçən ilin müvafiq dövründə bu göstərici 105 572 metr olub. Bu barədə Trend-ə cümə axşamı ARDNŞ-dən məlumat verilib.

Məlumata görə, yanvar-sentyabrda ARDNŞ-nin apardığı qazma işlərinin ümumi həcmindən 109 500 metr istismar, 9 454 metr kəşfiyyat qazmasının (o cümlədən, 1900 metr struktur-axtarış qazması) payına düşüb.

2010-cu ildə ARDNŞ 136,3 min metr qazma işi həyata keçirib. Bu göstərici 2009-cu ildə 168,2 min metr təşkil edib. Ötən il həyata keçirilən qazma işinin ümumi həcmindən 127,9 min metr istismar qazması, qalan 8 466 metr isə kəşfiyyat qazmasının payına düşüb (o cümlədən 1 785 metr struktur-axtarış qazması).

2008-ci ildə ARDNŞ 20 min metr həcmində qazma işləri həyata keçirib. 2007-ci ildə isə bu göstərici 190,4 min metr təşkil edib.

Xəbər lenti

Xəbər lenti